Google ADS

Spasovski: Hiqet ora policore, kafenetë nisin me punë nga dita e enjte

19:33 | 26 Maj 2020
L G

Kryeministri teknik i Qeverisë së Maqedonisë së Veriut, Oliver Spasovski në konferencë për shtyp bëri të ditur se në mbledhje qeveritare është marrë vendim për lehtësimin e masave kufizuese.

“Prej nesër më 27 maj, në mënyrë të plotë hiqet ndalesa për lëvizje në territorin e Maqedonisë së Veriut. Të enjten më 28 maj, fillojnë me punë hoteleritë në Maqedoninë e Veriut me protokoll preciz në pjesët e hapura, përkatësisht terasat e këtyre objekteve”, tha Spasovski, njofton Telegrafi Maqedoni.

Ai tha nga 1 qershori fillon puna normale për të gjithë punonjësit por duke respektuar protokollet e ndryshme dhe se ky vendim nuk vlen për të sëmurët kronik dhe për njërin prind që ka fëmijë deri në 9 vjet.

Spasovski tha se në vend shtetasit e Maqedonisë së Veriut në vend të karantinës do të shkojnë në vetizolim shtëpiak vetëm nëse japin test negativ për coronavirus gjatë 72 orëve të fundit.

Shpërndaje në rrjete sociale

Lajmet më të lexuara

Të ngjashme

Foto lajm